Каталониянинг «Барселона» клуби нидерландиялик ярим ҳимоячиси Френки де Йонг уддабурон дастхат сотувчиларга қарши ўз урушини эълон қилди. Йўқ, футболчи бундан буён футболкаларга қўл қўйиб беришдан бош тортмаяпти - лекин энди у буни фақат дастхат қолдираётган инсоннинг исмини ёзиш билан биргаликда амалга оширади. «Дастхат хоҳлайсанми? Исмингни айт» - тахминан шундай схема бўйича.
Де Йонгнинг режасига кўра, бундай ҳолатда имзо эгасига уни сотиш жуда қийин бўлади, бу эса Европада оммалашиб бораётган шунчаки «чайковчилик» мақсадида дастхат олиш амалиётини камайтиради.
Шу билан бирга, Derbyderbyderby.it нашри Mundo Deportivo'га таяниб аниқлик киритишича, 2019 йилда «Барселона»га келганидан бери де Йонг ҳар доим энг виждонли дастхат тарқатувчилардан бири бўлиб келган. Лекин ҳар нарсанинг ҳам чегараси бор.
