«Барселона» ҳимоячиси Жерар Мартин клубнинг узоқ йиллик орзуси — Чемпионлар лигасида ғолиб чиқиш ҳақида фикр билдирди.

Каталонияликлар сўнгги бор Чемпионлар лигаси кубогини 2015 йилда қўлга киритган. Ўтган мавсумда «Барселона» чорак финалда «Атлетико»га мағлуб бўлган, ундан аввалги мавсумда эса ярим финалгача етиб бориб, «Интер»га имкониятни бой берган эди.

«Биз Чемпионлар лигасини ютиш фикрига муккасидан кетган эмасмиз, чунки бундай ҳолат унчалик соғлом эмас. Аммо бу мавсумда Чемпионлар лигасида ғолиб чиқиш ҳақида гап кетганда, бизда муккасидан кетиш ва кучли иштиёқ ўртасидаги қандайдир ҳис бор», — деди Мартин.

Ханс-Дитер Флик бошчилигидаги «Барселона» жорий мавсумда ўтказган барча 8 та учрашувда ғалаба қозонди. Жумладан, каталонияликлар Чемпионлар лигасида «Фейеноорд»ни 5:1 ҳисобида мағлуб этди.