«РБ Лейпциг» марказий ҳимоячиси Кастелло Люкеба Англия Премьер-лигасининг бир қатор топ-клублари эътиборини тортди.

23 ёшли француз футболчисини «Арсенал», «Челси» ва «Манчестер Юнайтед» кузатиб бормоқда. Клублар келаси йил уни трансфер қилиш имкониятини кўриб чиқмоқда.

Люкебага даъвогарлар орасида «Барселона» ҳам бор. Каталонияликларнинг футболчига қизиқиши ҳақида аввал ҳам хабар берилган эди.

«РБ Лейпциг» ҳимоячининг трансферидан 65 миллион евро ишлаб олишни режалаштирмоқда. Ушбу сумманинг 5 миллион евроси бонуслар кўринишида бўлиши мумкин.

Кастелло Люкебанинг «РБ Лейпциг» билан амалдаги шартномаси 2029 йил ўрталарига қадар мўлжалланган. У ҳозирги жамоаси сафида 105 та ўйин ўтказиб, 2 та гол урган ва 1 та голли узатмани амалга оширган.