«Эвертон»нинг собиқ бош мураббийи Шон Дайч баҳорда унга «Тоттенхэм»да ишлаш таклиф қилинган-қилинмагани ҳақидаги саволга жавоб берди.

«Фақат бир нечта қўнғироқлар бўлган, холос. Улар ҳам менга тўғридан-тўғри эмас, бошқа одамлар орқали бўлган», — деди Дайч The Overlap нашрига берган интервьюсида.

Март ойида «Тоттенхэм» британиялик мутахассис билан ҳамкорлик қилишга қизиқиш билдиргани хабар қилинган эди. Бироқ Дайчнинг талаблари клуб раҳбариятини қониқтирмагани айтилган.

Якунда «Тоттенхэм» Роберто Де Дзербига ишонч билдирди ва Премьер-лигадаги ўрнини сақлаб қолди.

Жорий мавсумда «Тоттенхэм» Англия чемпионатида 5 та ўйин ўтказди, аммо ҳали бирорта ҳам ғалаба қозона олмади. Лондон клуби 2 очко билан турнир жадвалининг сўнгги поғонасида бормоқда.