«Кристал Пэлас» қанот ҳимоячиси Тайрик Митчелл январь трансфер ойнасида жамоасини алмаштириши мумкин. Бу ҳақда инсайдер Экрем Конур маълум қилди.
Манбага кўра, футболчи учун курашда «Манчестер Юнайтед» етакчилик қилмоқда. Шунингдек, «Ливерпуль» ва «Челси» ҳам Митчеллни ўз сафига қўшиб олишга қизиқмоқда.
Аввалроқ ҳимоячига «Ювентус» ҳам қизиқиш билдираётгани хабар қилинган эди.
Эҳтимолий трансфер қиймати 23–28 миллион евро атрофида баҳоланмоқда.
Митчелл жорий АПЛ мавсумида 5 та ўйинда майдонга тушиб, 2 та гол урди.
Унинг «Кристал Пэлас» билан амалдаги шартномаси келаси йил ёзида якунланади.
