«Реал»нинг бразилиялик футболчилари Эдер Милитао ва Родриго машғулотларда иштирок этиш учун рухсат олди. Бу ҳақда MARCA хабар берди.
Манбага кўра, халқаро танаффус вақтида «Реал»нинг айрим футболчиларига бир неча кунлик дам берилган. Бироқ формага кириши керак бўлган баъзи ўйинчилар машғулотларни давом эттиради.
Яқин бир ҳафта давомида Милитао, Родриго ва Менди тикланиш жараёнини давом эттириш учун махсус дастур асосида шуғулланади.
28 ёшли Милитао жорий мавсумда ҳали бирорта ҳам ўйинда майдонга тушгани йўқ.
«Реал» танаффусдан кейинги илк учрашувини 10 октябрь куни «Вильярреал»га қарши ўтказади. Ла Лиганинг 8-тури доирасидаги баҳс Тошкент вақти билан соат 23:59 да бошланади.
