«Барселона» ва Испания терма жамоаси ҳужумчиси Ламин Ямал ЖЧ-2026 финалидан сўнг нима учун Лионель Мессининг олдига бориб, уни қучоқлаганини тушунтирди.

«Мен футболда ёки суратда чиройли кўриниши учун қилинадиган сунъий ҳаракатлардан доим узоқ бўлишга ҳаракат қиламан. Бу эса қалбимдан чиққан эди.

Уни кўрдим ва футбол учун қилган барча ишлари учун миннатдорлик билдириш мақсадида олдига бордим. Бу мутлақо табиий ҳаракат эди.

Охир-оқибат жуда чиройли сурат чиқди. Болалигимда у мени чўмилтираётган суратдан тортиб, энди иккимиз қучоқлашиб турган суратгача», — деди Ямал.

Эслатиб ўтамиз, июль ойида ўтган ЖЧ-2026 финалида Испания Аргентинани 1:0 ҳисобида мағлуб этган эди.