«Барселона» ва Испания терма жамоаси ҳужумчиси Ламин Ямал футбол майдонида нега қўрқув ҳис қилмаслигини тушунтирди.

«Футболда қўрқув йўқ. Мен футбол ўйнай олишим учун онам қандай оғир меҳнат қилганини кўрганман. Отам эса овқатим бўлиши учун кўчаларда юриб, металл чиқиндиларини терганини кўрганман. Мана шу — ҳақиқий қўрқув.

Энди агар ўғлим бўлса, унга ғамхўрлик қила оламан. Онам ёки отамга бирор нарса керак бўлса, уларга ёрдам бера оламан. Энди менда ўша қўрқув йўқ», — деди Ямал.

Ямал 2023 йилдан бери «Барселона» сафида ўйнаб келмоқда. У клуб таркибида жами 159 та ўйин ўтказиб, 57 та гол урган ва 58 та голли узатмани амалга оширган.

Унинг каталонияликлар билан шартномаси 2031 йилга қадар мўлжалланган.