Британиялик журналист Пирс Морган «Манчестер Сити»га нисбатан олиб борилаётган иш бўйича фикр билдириб, клубга энг қаттиқ санкциялар қўлланиши кераклигини айтди.
«Аниқ қилиб олайлик: «Манчестер Сити» Англия футболи тарихидаги энг йирик молиявий фирибгарликда айбдор деб топилди ва жазо қоидабузарликлар миқёсига мос бўлиши керак.
Камида клуб Премьер-лигадан четлатилиши ва алдов йўли билан қўлга киритилган барча совринларидан маҳрум қилиниши лозим», — деб ёзди Морган.
Аввалроқ «Манчестер Сити» молиявий қоидаларни бузиш иши бўйича айбдор деб топилгани хабар қилинган эди.
Клубга нисбатан якуний жазо ҳали белгиланмаган. Эҳтимолий санкциялар орасида жарима, очколарни олиб ташлаш ва АПЛдан четлатиш каби чоралар тилга олинмоқда.
