«Барселона» ва Испания терма жамоаси вингери Ламин Ямал футболни аввало завқ олиш учун ўйнашини айтди.

«Гап шундаки, мен футболни яхши кўраман. Мен пул учун эмас, уни севганим учун ўйнайман. Гол ёки голли узатмаларга ҳаддан ташқари берилиб кетган футболчилар ўйиндан завқ олмайди.

Мен футболни завқ учун ўйнайман: рақибни алдаб ўтиш, бир ёки икки тегинишда ўйнаш, анчадан бери гол урмаган шеригимга гол уришда ёрдам бериш учун. Мухлисларни хурсанд қилиш учун. Трибунадан «оле» деган ҳайқириқларни эшитиш учун. Мен айнан шунинг учун ўйнайман.

Уйга қайтиб: «Қандай яхши вақт ўтказдим», дейман. Агар ҳар бир футболчи ўйинга шундай муносабатда бўлса, барчамиз футболдан анча кўпроқ завқ олар эдик», — деди Ямал.