«Ливерпуль» таркибини кучайтириш режаларини тузмоқда. Football Insider нашрининг хабар беришича, мерсисайдликлар «Реал» ярим ҳимоячиси Орельен Тчуаменини трансфер қилишга уриниб кўриши мумкин.
«Ливерпуль» 2027 йилда Тчуаменини ўз сафига қўшиб олишга ҳаракат қилиши эҳтимол. Англия клуби ярим ҳимоя чизиғини кучайтиришни режалаштирмоқда.
Бироқ трансферни амалга ошириш осон бўлмайди. Чунки Тчуамени «Реал» таркибида муҳим ўрин тутади.
Transfermarkt портали 26 ёшли француз футболчисининг қийматини 70 миллион еврога баҳоламоқда.
Тчуамени «Реал» сафида 199 та учрашув ўтказиб, 7 та гол урган ва 8 та голли узатмани амалга оширган.
