"Ювентус" келаси мавсум олдидан таркибни кучайтириш вариантлари устида ишлашни бошлади.

Football Italia нашри La Gazzetta dello Sport’га таяниб хабар беришича, Турин клуби "Манчестер Сити" ярим ҳимоячиси Матео Ковачич, "РБ Лейпциг" чап қанот ҳимоячиси Давид Раум ва "Милан" ҳимоячиси Фикайо Томорига қизиқиш билдирмоқда.

Манбага кўра, "Ювентус" мавсум охирида шартномаси якунланадиган футболчилар билан эҳтимолий келишувларни олдиндан тайёрлаб қўймоқчи.

Клуб Чемпионлар лигасига йўлланма ололмаганидан кейинги молиявий чекловлар фонида, айниқса, эркин агент мақомида қўлга киритиш мумкин бўлган футболчиларга катта эътибор қаратмоқда.

Сўнгги йилларда "Ювентус" бундай трансферлар устида муваффақиятли ишлаган. Football Italia бунга мисол сифатида Жонатан Дэвиднинг трансферини келтирди.