«Монако» марказий ярим ҳимоячиси Мамаду Кулибали бир нечта Европа клублари қизиқиш доирасига тушди. Бу ҳақда инсайдер Экрем Конур ижтимоий тармоқларда хабар берди.
Футболчининг ўйинларини Мадриднинг «Атлетико»си, «Наполи», «Ньюкасл» ва «Брентфорд» клублари диққат билан кузатиб бормоқда.
22 ёшли француз ярим ҳимоячисининг бозор қиймати Transfermarkt томонидан 20 миллион еврога баҳоланмоқда. Кулибалининг «Монако» билан амалдаги шартномаси 2028 йил июнь ойи охирига қадар мўлжалланган. Бу маълумотни клубнинг ўзи ҳам тасдиқлаган.
