«Манчестер Сити» эгалари ва клуб раҳбарияти молиявий қоидабузарликлар бўйича 115 та айбловнинг аксариятида айбдор деб топилганидан сўнг истеъфога чиқиш талабига дуч келиши мумкин. Бу ҳақда talkSPORT журналисти Алекс Крук хабар берди.
Манбага кўра, агар Буюк Британия ҳукумати ҳузуридаги Футболни тартибга солиш бўйича мустақил орган — IFR суд қарорида номи келтирилган юқори лавозимли шахсларни белгиланган талабларга жавоб бермайди, деб топса, энг кескин чоралар қўлланиши мумкин.
Бундай қарор жиддий санкциялар учун асос бўлиши мумкин. Регулятор тўғридан-тўғри чора кўриши ёки Англия Премьер-лигасига клуб раҳбарияти фаолияти бўйича кенг қамровли текширув ўтказиш мажбуриятини юклаши мумкин.
Эслатиб ўтамиз, ўтган йилнинг сентябрь ойида IFR Англия Премьер-лигаси клублари эгалари ва директорлари учун мўлжалланган янгиланган текширув мезонларини расман тасдиқлаган эди.
