Хорватия терма жамоаси ҳужумчиси Марко Пашалич УЕФА Миллатлар лигаси А лигаси 1-турида Чехияга қарши кечган ва 2:1 ҳисобида якунланган ўйинда Лука Модрич урган гол ҳақида фикр билдирди.

«Лука Модричнинг биринчи голи ажойиб эди! У учун жуда хурсандман. У ёш — шунчаки рақам эканини исботламоқда. Майдонда у ҳали ҳам ўйин тақдирини ҳал қила олади ва ҳақиқий афсона бўлиб қолмоқда», — деди Пашалич. Унинг сўзларини УЕФА расмий сайти келтирган.

41 ёшли Лука Модрич Чехияга қарши ўйиннинг 47-дақиқасида ҳисобни очди. Бу унинг Хорватия терма жамоаси сафидаги 203-учрашуви эди.

Гуруҳдаги 2-тур ўйинлари 29 сентябрь куни бўлиб ўтади. Чехия ўз майдонида Англияни қабул қилади, Хорватия эса сафарда Испанияга қарши ўйнайди.