Ламин Ямал Миллатлар лигасида Испаниянинг Англия устидан 3:2 ҳисобидаги ғалабасига ҳисса қўшгач, танқидларга жавоб қайтарди.

«Барселона» юлдузи «Уэмбли»даги ўйиннинг иккинчи дақиқасидаёқ ҳисобни очди. Учрашувдан сўнг Ямал Instagram саҳифасида бир нечта сурат жойлаб, уларга қуйидаги изоҳни қолдирди:

«Мени ёқтиринг ёки ёқтирманг — менга фарқи йўқ».

Бу хабар сўнгги пайтларда Ямалнинг «Олтин тўп»ни қўлга киритишга муносиб эканини айтганидан кейин унга нисбатан билдирилган танқидларга жавоб бўлиши мумкин.

Испания бош мураббийи Луис де ла Фуэнте ҳам ғалабадан кейин Ямалнинг ўйини ҳақида фикр билдирди. Ундан футболчи «Барселона»дагидан камроқ дриблинг қилаётгани ҳақида ҳам сўрашди.

«Ундан «Барселона»да нима талаб қилишларини билмайман. Биз эса ўз услубимизда унинг энг яхши жиҳатларини очишга ҳаракат қиламиз. Бизнинг ўйин услубимиз «Барселона»никига ўхшайди, аммо айни эмас.

Унинг ўйини ажойиб. Бундай футболчи бизда борлигидан омадлимиз.

Ямал вазият нимани талаб қилса, шунга қараб ҳаракат қилади. У ўз кучли жиҳатлари ва жамоадошларининг имкониятларидан тўғри фойдаланади», — деди де ла Фуэнте.