«Ан-Наср» ярим ҳимоячиси Жоау Феликс клуб ва Португалия терма жамоасида Криштиану Роналду билан бирга ўйнаш қандай ҳис экани ҳақида гапирди. Шунингдек, у Роналдунинг 1000-голини уришига ёрдам беришни исташини айтди.

Айни пайтда Роналдунинг ҳисобида 979 та гол бор. Уларнинг 833 тасини клублар сафида, 146 тасини эса Португалия терма жамоаси таркибида урган.

«Криштиану билан бирга ўйнаш — футболда жуда кам инсонларга насиб қиладиган имконият. Менга у билан аввал терма жамоада, ҳозир эса «Ан-Наср»да ҳам бирга ўйнаш бахти насиб қилди. Бу мен учун жуда катта фахр.

Биз Криштиануни кўриб улғайдик. У бизнинг кумиримиз ва ўрнак оладиган футболчимиз эди. Энди эса у билан шундай лаҳзаларни бирга ўтказяпман.

Ўтган йилги чемпионлик ҳам алоҳида аҳамиятга эга бўлди. Криштиану клубга келганидан бери интилиб келаётган совринни қўлга киритишга унга ёрдам бериш жуда ёқимли эди.

Бу дамлардан имкони борича завқланиш керак, чунки бу абадий давом этмаслигини биламиз. Аммо у биз билан экан, биз ҳам унинг ёнида бўламиз», — деди Феликс.

Ундан Роналдунинг 1000-голлига ассист беришни тасаввур қилган-қилмагани ҳам сўралди.

«Бу ҳақда аллақачон ўйлаб кўрганман. Унга 1000-гол учун битта гол қолганида, тўп ҳар сафар менга келса, унга қараб, пас бероламанми, деб ўйлайман.

Бу гол футбол тарихига киради. Шундай лаҳзада унинг ёнида бўлиш жуда ажойиб бўлар эди», — деди Жоау Феликс.