«ПСЖ» вингери Хвича Кварацхелия Грузия терма жамоаси бош мураббийи лавозимини тарк этган Вилли Саньолга мурожаат қилди.
«Раҳмат, Вилли! Биз бирга жуда кўп йўлни босиб ўтдик ва кўплаб қийинчиликларни енгдик.
Мен ва жамоадошларим болаликдаги орзумизни амалга ошириб, Грузия терма жамоасини Европа чемпионатига олиб чиқдик. Биз бу натижага биргаликда эришдик ва тарихнинг бир қисмига айландик.
Грузия халқи билан бирга ҳис қилган қувонч ва туйғуларимиз мен учун доимо алоҳида хотира бўлиб қолади.
Шу давр ва бирга ўтказган йилларимиз учун сизга алоҳида миннатдорлик билдирмоқчиман. Бу футбол саргузаштини ҳеч қачон унутмаймиз.
Келгуси фаолиятингизда омад тилайман. Ҳали яна учрашамиз», — деб ёзди Кварацхелия ижтимоий тармоқларда.
