«Аталанта» ҳимоячиси Жоржо Скальвини билан шартнома узайтирилганини расман эълон қилди. Бергамо клуби тарбияланувчиси янги келишувни имзолади.
Клуб янги шартноманинг амал қилиш муддатини очиқламаган. Аммо аввалроқ Италия матбуотида келишув 2031 йилнинг ўрталарига қадар тузилиши ҳақида хабарлар тарқалган эди.
Скальвини «Аталанта»нинг асосий жамоаси сафида 144 та расмий ўйин ўтказиб, 8 та гол урган ва 6 та голли узатма амалга оширган.
Айни пайтда «Аталанта» А Сериянинг дастлабки 5 туридан кейин турнир жадвалида 11-ўринни эгаллаб турибди.
