Футбол матбуотида баъзан кутилмаган миш-мишлар ҳам пайдо бўлиб туради.
El Nacional нашрининг ёзишича, "Ливерпуль" ҳимоячиси Виржил ван Дейк келаси ёзда "Барселона"га ўтишни истамоқда ва ўз хизматларини каталонияликларга таклиф қилишга тайёр. Манба бу маълумотни The Independent билан боғламоқда.
"Ван Дейк "Барселона" кийиниш хонасига етакчилик ва катта тажриба олиб келиши мумкин. Ёши анча катта бўлишига қарамай, у ҳамон юқори савияда ўйнамоқда. Бундан ташқари, унинг трансфери учун пул тўлашга ҳожат қолмайди, бу эса вариантни янада жозибадор қилади", — дейилади хабарда.
Шу билан бирга, "Барселона" бош мураббийи Ханс-Дитер Флик бу вариантни унчалик маъқул кўрмаётгани айтилмоқда.
Келаси ёзда Виржил ван Дейк 36 ёшга тўлади.
