Португалия терма жамоаси ҳужумчиси Жоау Феликс Миллатлар лигаси 2-турида Норвегия устидан қозонилган 2:1 ҳисобидаги ғалабадан сўнг ўз фикрларини билдирди. Феликс ушбу учрашувда гол ҳам урди.

«Энг муҳими — жамоавий меҳнат. Агар ҳамма биргаликда ҳаракат қилиб, бир мақсадни кўзласа, шубҳасиз, жуда кучли терма жамоа бўламиз.

Биринчи ўйинда бўлгани каби, бугун ҳам тактик ва жисмоний жиҳатдан жуда кучли жамоа эканимизни кўрсатдик. Ҳужумда ҳам, ҳимояда ҳам тартибли ҳаракат қиляпмиз. Ҳамма нарса шу тарзда кечса, ғалабага доимо яқин бўламиз», — деди Феликс RTP телеканалига берган интервьюсида.

Футболчи жамоанинг янги бош мураббий Жорже Жезуш талабларига мослашиши ҳақида ҳам гапирди.

«Ўзаро тушуниш аллақачон шаклланиб бормоқда. Менимча, мураббийнинг ғояларини яхши амалга оширяпмиз. Назаримда, у ҳам бундан мамнун.

Бу ғалаба биз учун жуда муҳим. Бу ерга келиб ғалаба қозониш осон эмасди, аммо биз буни уддаладик. Бу — бутун жамоанинг меҳнати самараси».

Фелишдан ҳозир фаолиятидаги энг яхши даврни ўтказяптими, деб сўралганда, у шундай жавоб берди:

«Мен шунчаки ўз ишимни қиляпман. Ҳозир ҳаммаси ўхшаяпти ва ишлар яхши кетяпти. Умид қиламанки, бу давом этади ва олдинда янада яхшироқ натижалар бўлади».

Португалия 6 очко билан ўз гуруҳида пешқадамлик қилмоқда. Дания ва Норвегияда 3 тадан очко бор, Уэльс эса ҳали очко жамғара олмаган.