Мадриднинг «Реал» клуби ва Бразилия терма жамоасининг собиқ футболчиси Савио Винисиус Жуниорнинг ҳозирги ҳолати ҳақида фикр билдирди.

26 ёшли вингер жорий мавсумни унчалик омадли бошламади ва шу сабаб жамоатчилик томонидан танқидларга учрамоқда.

«Винисиус «Реал»да ўйнай бошлаганидан буён энг қийин даврини бошдан кечирмоқда. Аммо бу оддий ҳолат.

Барча футболчиларда кўтарилишлар ҳам, пасайишлар ҳам бўлади — бу футболнинг бир қисми. У бу вазиятдан чиқиб кетади, чунки унда улкан истеъдод ва имконият бор. Бизга фақат бироз кутиш керак», — дея Савионинг сўзларини Madrid Zone келтирди.

Винисиус Жозе Моуринью бошчилигидаги «Реал» сафида жорий мавсум барча мусобақаларда 8 та ўйин ўтказиб, 1 та гол урди ва 3 та голли узатмани амалга оширди.