"Барселона" футболчиси Ламин Ямал жамоанинг жорий мавсумда Чемпионлар лигасида ғолиб чиқиш имкониятлари ҳақида фикр билдирди.
Каталония клуби ушбу мусобақада сўнгги бор 2015 йилда ғолиб чиққан. Жорий мавсумда Ханс-Дитер Флик жамоаси асосий даъвогарлардан бири сифатида кўрилмоқда.
"Кўп нарса тақдирга боғлиқ. Чемпионлар лигасида битта омадсиз кеча ҳамма нарсага қимматга тушиши мумкин.
Бу турнирда ғалаба қозониш учун маҳорат ва тажриба керак, шунингдек, бироз омад ҳам зарур. Тажрибамиз ҳар мавсум сайин ортиб бормоқда ва умид қиламанки, бу сафар омад ҳам биз томонда бўлади.
Биз турнирларда шунчаки қатнашиш учун иштирок этмаймиз — ғалаба қозонишни истаймиз. Чемпионлар лигаси кубогини яна Барселонага қайтаришни хоҳлаймиз", — дея Ямалнинг сўзларини Barca Universal келтирди.
"Барселона" жорий мавсум Чемпионлар лигаси умумий босқичининг 1-турида "Фейеноорд"ни 5:1 ҳисобида йирик ҳисобда мағлуб этган.
