Англия терма жамоаси бош мураббийи Томас Тухель кучини тежашни истамаётган жамоа сардори Харри Кейн ҳақида фикр билдирди.
"Бавария" ҳужумчиси жорий йиғин доирасида Миллатлар лигасидаги барча тўртта учрашувни асосий таркибда бошлашни жуда хоҳлашини айтган эди.
"Ростини айтсам, мен ҳам ротациядан мамнуният билан воз кечардим, аммо бунинг имкони борлигига ишончим комил эмас.
Идеал ҳолатда ҳар бир ўйинда биз тўлиқ ишонадиган камида олти-етти нафар асосий футболчини майдонга туширган бўлардим. Уларга масъулият юклаб, ишончимизни ҳис қилишларига имконият берган бўлардик.
Аммо бундай қилишнинг имкони бўлмаса керак. Кўрамиз", — дея Тухельнинг сўзларини Standard келтирди.
Англия аввал Испанияга 2:3 ҳисобида мағлуб бўлган эди. Энди жамоа 29 сентябрь куни сафарда Чехияга, 3 октябрь куни Хорватияга қарши ўйнайди ва 6 октябрь куни Чехияни ўз майдонида қабул қилади.
