Лондоннинг "Арсенал" клуби собиқ чап қанот ҳимоячиси Арман Траоре Виктор Дьёкерешнинг ўйинидан унчалик таассуротланмаганини билдирди.

Швециялик ҳужумчи жорий мавсумда "канонирлар"нинг асосий таркибидаги ўрнини йўқотди. Матбуотда футболчининг келаси йили, эҳтимол ҳатто январь ойидаёқ жамоани тарк этиши мумкинлиги ҳақида гап-сўзлар кўпайган.

"Агар Дьёкерешга қарши ўйнашимга тўғри келса, умуман хавотир олмасдим. Мен жуда тез эдим — у тўпни олдинга ташлаб ўтиши мумкин эди, аммо тезликда мени ҳеч қачон ортда қолдира олмасди.

Шунчаки Анри ва Дьёкерешни таққослаб кўринг — улар орасида ер билан осмонча фарқ бор. Анрига қарши ўйнаб кўринг: у қайси томонга ҳаракат қилмасин, сизда муаммо пайдо бўлади.

Тезлик рақибларни йўқ қилади, Виктор эса унчалик тез футболчи эмас", — дея Траоренинг сўзларини Arsenal Radar келтирди.

Жорий мавсумда Виктор Дьёкереш 5 та учрашувда майдонга тушди, аммо ҳали гол ура олмади.