Европада Лиссабоннинг "Бенфика" ва Франциянинг "ПСЖ" клубларида тўп тепган португалиялик ярим ҳимоячи Ренату Саншеш фаолиятини Бразилия чемпионатида давом эттириши мумкин. Бу ҳақда Footmercato хабар берди.
Манба маълумотига кўра, 29 ёшли футболчини ўз сафига қўшиб олишга Бразилиянинг "Коринтианс" клуби қизиқиш билдирмоқда.
Айни пайтда "Коринтианс" сафида нидерландиялик Мемфис Депай ва англиялик Жесси Лингард ҳам тўп тепмоқда.
Саншеш ҳозирда эркин агент мақомида. Аввалроқ матбуотда португалиялик футболчининг Испаниянинг "Хетафе" клубига ўтиши мумкинлиги ҳақида хабарлар тарқалган эди, аммо трансфер амалга ошмади.













