"Атлетик" ва Испания терма жамоаси қанот ҳужумчиси Нико Уильямс фаолиятини Англия Премьер-лигасида давом эттириши мумкин.
The Mirror ва The Telegraph маълумотларига кўра, "Манчестер Юнайтед" келаси ёзда таркибни кучайтириш учун катта маблағ сарфлашни режалаштирмоқда.
"Қизил иблислар"нинг устувор трансфер мақсадлари рўйхатида Нико Уильямс ҳам бор. Унинг "Атлетик" билан шартномасида 95 миллион евро миқдоридаги товон пули белгиланган.
Хабарларга кўра, бу сумма "Манчестер Юнайтед" учун муаммо бўлмайди ва инглиз гранди футболчининг товон пулини тўлашга тайёр.
Жорий мавсумда 24 ёшли Нико Уильямс Испания чемпионатида 6 та учрашувда майдонга тушиб, 1 та гол урди.
