«Барселона» юлдуз ҳимоячиси Жюл Кундени сотишга тайёр. Франциялик футболчининг ўсишдан тўхтаб қолгани каталонияликлар мураббийлар штабини қониқтирмаяпти. Бу ҳақда журналист Луис Мигельсанц хабар бермоқда.
«Барселона» ичида Кунде бўйича позиция аниқ: ўйинчи мажбурий тартибда сотувга қўйилмаган, аммо у муносиб таклиф тушган тақдирда қўйиб юборилиши мумкин бўлган футболчилар қаторига киради. Клуб асосий таркибдан жой йўқотган Жюлни ушлаб турмоқчи эмас.
«Барселона» ёздаёқ таклифларни эшитишга тайёр эди, аммо ўйинчи қолишни ва курашишни танлади. Энди эса захира ўйинчиси мақомида қолиб кетаётгани уни жамоадан кетиш ҳақида ўйлашга мажбур қилиши мумкин. АПЛнинг камида учта йирик клуби унинг атрофидаги вазиятни кузатиб бормоқда. Потенциал трансфер суммаси 50 млн еврони ташкил этиши мумкин.
