UFC ва Zuffa Boxing президенти Дана Уайт Тайсон Фьюри – Энтони Жошуа жангини ташкиллаштиришдаги муаммолар сабабли промоутер Эдди Хирнни танқид остига олди.

«Жангнинг бўлиб ўтишига ёрдам бериши керак бўлган инсон ҳар доим фақат халақит бериб келди. У ҳеч қандай фойда келтирмади. Эдди Хирнчалик кўп бемаъни гап гапирадиган одамни учратганмидим-йўқми, билмайман. Эҳтимол, яқин уч соат ичида у 652 мингта интервью беради ва барча саволларга жавоб қайтаради.

Агар Хирн ҳақиқатан ҳам ушбу жанг учун қайғурганида, у аллақачон бўлиб ўтган бўларди. Иккинчидан, у буни ўзи молиялаштириши мумкин эди. Мен буни миллион марта айтганман: жангни молиялаштир, чипталарни сот, телевидение билан шартнома туз ва трансляцияни сот. Ҳозир буларнинг барчаси шунчаки цирк. Яқин уч-тўрт кун ичида биз кўпроқ нарсани билиб оламиз ва воқеалар қандай якунланишини кўрамиз», — деди Уайт.

Олдинроқ Фьюри – Жошуа жанги 11 декабрь куни Кардиффда бўлиб ўтиши ҳақида хабар берилган эди, аммо Хирн Уайтнинг ташкилотчиликдаги иштирокига қарши чиқмоқда. Шу сабабли жанг бекор қилиниши мумкин.