Испания терма жамоаси бош мураббийи Луис де ла Фуэнте «Олтин тўп»ни топшириш маросими арафасида ўз фикрларини билдирди.
«Қандай мезонлар инобатга олинишини билмайман, аммо доимо бир нарсани айтганман: футболчилар орасида ҳам, мураббийлар орасида ҳам испаниялик ғалаба қозонишини хоҳлайман.
Менимча, барчамиз бунга муносибмиз. Қолганини эса вақт кўрсатади. Номинациянинг ўзи ҳам катта эътироф ва фахрланиш учун сабаб. Мен бундан жуда хурсандман», — деди де ла Фуэнте AS нашрига берган интервьюсида.
«Олтин тўп»ни топшириш маросими 26 октябрь куни Лондонда бўлиб ўтади. 2026 йилда ушбу мукофот 70-марта топширилади.
Соврин учун асосий даъвогарлардан бири Ламин Ямал ҳисобланмоқда. У жорий йил ёзида Испания терма жамоаси билан ЖЧ-2026 ғолиби бўлган.
