Роберто Де Дзербининг «Тоттенхэм» бош мураббийи сифатидаги келажаги Лондонда қизғин муҳокама мавзусига айланмоқда.

«Шпорлар» мавсумни жуда омадсиз бошлади: Премьер-лиганинг дастлабки 5 туридан кейин жамоа 2 очко билан турнир жадвалининг сўнгги ўрнида турибди ва ҳали бирорта ҳам ғалаба қозонмаган.

Бундай вазият табиий равишда италиялик мутахассиснинг келажаги борасида шубҳаларни кучайтирмоқда. Шу билан бирга, унинг ўрнини эгаллаши мумкин бўлган мураббийлар номи ҳам тилга олина бошлади.

Энг қизиқ вариантлардан бири — Маурисио Почеттино. Аргентиналик мутахассис аввал ҳам «Тоттенхэм»ни бошқарган ва клубда муваффақиятли ишлаган. Шу сабаб унинг қайтиши жамоа мухлислари орасида анча оммабоп вариант ҳисобланмоқда.

derbyderbyderby.it маълумотига кўра, эҳтимолий номзодлар қаторида Эдди Хаунинг номи ҳам тилга олинмоқда.