Грузия терма жамоаси ҳужумкор ярим ҳимоячиси Хвича Кварацхелия Миллатлар лигаси гуруҳ босқичида Украинага қарши уй учрашувидан сўнг мухлисларга мурожаат қилди. Баҳс 0:0 ҳисобида якунланди.
"Икки ўйинда мухлисларимизга ғалаба тақдим эта олмаганимиз учун улардан узр сўрамоқчиман. Жамоа уларнинг қўллаб-қувватлашини доимо ҳис қилади. Улар ҳар доим биз билан.
Кейинги ўйинларда уларни хурсанд қилишга ҳаракат қиламиз. Жамоа ўз олдига қўйилган мақсадга эришишни истайди", — дея юлдуз футболчининг сўзларини CrystalSport келтиради.
Грузия терма жамоаси икки ўйиндан кейин 1 очко билан гуруҳда учинчи ўринни эгаллаб турибди.
Жамоа навбатдаги учрашувини сафарда Венгрияга қарши ўтказади.
