Gruziya terma jamoasi hujumkor yarim himoyachisi Xvicha Kvarasxeliya Millatlar ligasi guruh bosqichida Ukrainaga qarshi uy uchrashuvidan so‘ng muxlislarga murojaat qildi. Bahs 0:0 hisobida yakunlandi.

"Ikki o‘yinda muxlislarimizga g‘alaba taqdim eta olmaganimiz uchun ulardan uzr so‘ramoqchiman. Jamoa ularning qo‘llab-quvvatlashini doimo his qiladi. Ular har doim biz bilan.

Keyingi o‘yinlarda ularni xursand qilishga harakat qilamiz. Jamoa o‘z oldiga qo‘yilgan maqsadga erishishni istaydi", — deya yulduz futbolchining so‘zlarini CrystalSport keltiradi.

Gruziya terma jamoasi ikki o‘yindan keyin 1 ochko bilan guruhda uchinchi o‘rinni egallab turibdi.

Jamoa navbatdagi uchrashuvini safarda Vengriyaga qarshi o‘tkazadi.