Испаниялик журналист Мария Трисак «Олтин тўп»ни топшириш бўлажак маросими ҳақида фикр билдирди. Унинг фикрича, Килиан Мбаппе ва Ламин Ямаль мукофотни тиланиб олишмоқда.
«Биз Роналдунинг ўзини энг яхши деб атаганини кўп марта эшитганмиз. Аммо мен у ёки Лео Мессининг бундай мукофот сўраганини ҳеч қачон кўрмаганман. Лионель ва Криштианунинг «Менга «Олтин тўп»ни беринг» деганини ҳеч қачон гувоҳи бўлмаганман.
Ҳозир ҳатто Испания терма жамоаси мураббийи де ла Фуэнте ҳам ўз жамоаси ўйинчиси учун мукофотни ундириб олмоқчи. Биз мукофот шунчаки тиланиб олинадиган даражага етиб келдик», — дейди журналистнинг сўзларини El Chiringuito TV.
«Олтин тўп»ни топшириш маросими 26 октябрь куни Лондонда бўлиб ўтади.
