Миср терма жамоаси бош мураббийи Ҳусам Ҳассан Муҳаммад Салоҳнинг Жанубий Суданга қарши ўйин қайдномасида бўлмагани ҳақида фикр билдирди.
Миср Африка кубоги саралаши доирасидаги учрашувда 5:0 ҳисобида ғалаба қозонди.
"Салоҳ шахсий сабабларга кўра ўйинни ўтказиб юборди. У биз учун жуда муҳим футболчи, аммо Миср терма жамоаси бир футболчига боғлиқ эмас.
Барча футболчилар муҳим. 120 миллион аҳолига эга мамлакатнинг бир футболчига қараб қолиши мумкин эмас", — деди Ҳассан матбуот анжуманида.
Аввалроқ Миср футбол ассоциацияси Салоҳ сунъий қопламали майдон сабаб учрашувда иштирок этмаслигини маълум қилган эди.
