Франция терма жамоасининг навбатдаги ўйини олдидан ўтказилган матбуот анжуманида Ману Коне жамоадоши Да Куньянинг ҳолати ҳақида фикр билдирди. Француз ярим ҳимоячиси унинг юқори савияда ўйнаётганидан хурсанд эканини таъкидлаб, жамоадаги яхши муҳитга ҳам эътибор қаратди.
«Уни бундай даражада кўриш жуда ёқимли. У бунга тўлиқ муносиб», — дея Коненинг сўзларини RMC Sport келтирди.
Икки футболчи бир-бирини анчадан буён танийди ва бу уларнинг миллий терма жамоадаги муносабатларини янада яқинлаштирган.
Коне, шунингдек, футболчилар ўртасидаги рақобат ҳақида ҳам гапирди ва уни соғлом рақобат деб атади.
«Бу соғлом рақобат. Мураббий учун жамоадаги ҳар бир футболчи муҳим», — деди у.
Ярим ҳимоячи жамоавий муҳит ҳақида ҳам тўхталиб: «Энг муҳими — олдинга ҳаракат қилишда давом этиш. Барча машғулотлардан завқ олмоқда», — деди.
