Мадриднинг «Реал» клуби дарвозабони Тибо Куртуа футболдаги илк қадамларини ташлаётган ўғли ҳақида гапирди.

«Ўғлим «Реал»нинг 8 ёшгача бўлган жамоасида ўйнайди. Ўйини билан у Мбаппега кўпроқ ўхшайди. Унга дарвозабон бўлиш ҳам ёқади, аммо мен уни майдон футболчиси сифатида кўришни афзал биламан, чунки мен билан таққослашлардан қочишни истайман», — дея Куртуанинг сўзларини келтиради Madrid Xtra.

34 ёшли дарвозабони 2018 йилдан буён клуб шарафини ҳимоя қилиб келмоқда. У бунга қадар «Челси», «Атлетико» ва «Генк» клубларида тўп сурган.

10 октябрь куни Жозе Моуриньо жамоаси Ла Лиганинг 8-тури доирасида ўз майдонида «Вильярреал»ни қабул қилади. Айни пайтда пойтахт клуби 15 очко билан турнир жадвалида 4-ўринда бормоқда.