Мадриднинг «Реал» клуби дарвозабони Тибо Куртуа Жозе Моуриньо билан ишлаш таассуротлари ҳақида гапирди.
Бельгиялик футболчи португалиялик мураббийни «Челси»да бирга ишлаган даврларидан бери яхши билади. Ўтган ёзда мураббий «қироллик клуби»га қайтди.
«Моуриньо хотиржамроқ бўлиб қолди, аммо у ҳануз жуда талабчан ва жамоа билан суҳбатларда очиқ гапиради, доимо ҳамма нарсани тўғридан-тўғри айтади. Жозе — ажойиб мураббий. Мен уни «Челси»даги давридан ҳам шундай эслайман», — дея 34 ёшли дарвозабоннинг сўзларини келтиради Madrid Universal.
Жозе Моуриньо аввал «Реал»ни 2010 йилдан 2013 йилгача бошқарган. Тибо Куртуа эса клубга 2018 йил ёзида келган.
