«Манчестер Сити» ҳужумкор ярим ҳимоячиси Фил Фоден Мюнхеннинг «Бавария» клуби қизиқишлари доирасига тушди. Бу ҳақда TEAMtalk хабар берди.

Манба маълумотига кўра, агар «Манчестер Сити» молиявий қоидабузарликлар сабаб жиддий жазога тортилса, Фоден «Бавария»нинг трансфер мақсадларидан бирига айланиши мумкин. Германия гранди вазиятни диққат билан кузатиб бормоқда ва имконият туғилса, 26 ёшли футболчини сотиб олишга тайёр.

Жорий мавсумда «шаҳарликлар» тарбияланувчиси барча мусобақаларни ҳисобга олганда олтита учрашувда майдонга тушиб, иккита голли узатмани амалга оширди.

Фоденнинг «Манчестер Сити» билан амалдаги шартномаси 2030 йилга қадар мўлжалланган. Transfermarkt портали футболчини 70 миллион еврога баҳоламоқда.