El Chiringuito TV нашри Килиан Мбаппенинг Франция терма жамоаси қароргоҳидан жароҳат билан қайтганига қарамай, сўнгги икки кун давомида «Реал»нинг Вальдебебасдаги машғулот базасида кўринмаганига эътибор қаратди.

«Мбаппе сўнгги икки кун ичида Вальдебебасга келмади.

Бу сирли ҳолат. У Франциядан жароҳат билан қайтди, аммо машғулот базасида тикланиш жараёнини ўтказмаяпти», — дейилади хабарда.

Франциялик ҳужумчи Туркияга қарши ғалабали учрашувда чап тиззасини шикастлаб олган эди. Бахтга кўра, жароҳат жиддий бўлиб чиқмади ва бу Мадрид клуби учун яхши хабар бўлди.

Дастлабки маълумотларга кўра, Мбаппенинг тикланиши тахминан икки ҳафта давом этади. Агар жараён режа бўйича кечса, у халқаро танаффусдан кейин Ла Лига доирасида «Вильярреал»га қарши учрашувда майдонга қайтиши мумкин.