Патрик Доргу ўтган ҳафта охирида Дания ва Уэльс ўртасидаги учрашувнинг 30-дақиқасидаёқ майдонни тарк этишга мажбур бўлди ва тиббий кўрикдан ўтиш учун «Манчестер Юнайтед» қароргоҳига қайтди. Бу ҳолат футболчининг январь ойида уч ойга сафдан чиқишига сабаб бўлган сон орқа мушакларидаги жароҳат яна қайталанган бўлиши мумкинлиги ҳақида хавотир уйғотди.

Люк Шоу ҳафтасига икки марта ўйин ўтказиш юкламасини доимий равишда кўтара олмаётган бир пайтда, Доргунинг эҳтимолий йўқлиги Майкл Каррикни ҳимоянинг чап қаноти учун бошқа вариант излашга мажбур қилмоқда. Айни пайтда Диогу Далот, Нуссаир Мазрауи ва Харри Амасс асосий вариантлар бўлиб турибди. Бироқ Мазрауи ҳам Марокашнинг Лесотога қарши ғалабали ўйинида жароҳат сабаб майдонни тарк этган.

«Манчестер Юнайтед» ёзда «Ньюкасл» ҳимоячиси Льюис Холлни харид қила олмаганидан кейин янги чап қанот ҳимоячисини олишга муваффақ бўлмади. Кейинчалик Холл ўз клуби билан 2031 йилгача мўлжалланган янги шартнома имзолади.

Хабарларга кўра, манкунианликлар «Расинг Сантандер» футболчиси Хорхе Салинасни ҳам харид қилиш имкониятидан воз кечган. Унинг шартномасида 15 миллион фунтлик товон пули белгиланган эди.

Эндиликда Каррикнинг танлов имкониятлари камайиб бораётган бир пайтда, клубнинг ёздаги бу қарори қимматга тушиши мумкин.