Британиялик телебошловчи ва Криштиану Роналдунинг дўсти Пирс Морган Португалия терма жамоасида футболчи атрофида юзага келган можаро ҳақидаги сўнгги хабарларга муносабат билдирди.

«Ан-Наср»нинг 41 ёшли футболчиси кеча, Копенгагенда Данияга қарши Миллатлар лигаси учрашуви арафасида бош мураббий Жорже Жезуш билан келишмовчиликдан сўнг миллий жамоа қароргоҳини тарк этган эди. Роналдуга дисквалификация ва пул жаримаси таҳдид қилаётгани, шунингдек, у терма жамоадаги фаолиятини якунлагани ҳақида хабарлар тарқалган.

Пирс Морган X ижтимоий тармоғида Жезушнинг Роналду билан жанжал бўлгани ҳақидаги хабарларни рад этган сўзларини репост қилиб, «Фактчекинг: ёлғон», деб ёзди.

У, шунингдек, The Times нашридаги материалга ҳам муносабат билдирди. Унда «Криштиану Роналду Португалия терма жамоаси қароргоҳини бош мураббий Жорже Жезуш билан келишмовчиликларни ҳал қилиш учун ўтказилган шошилинч музокаралардан кейин тарк этди ва унга жамоа эҳтиёжлари шахсий манфаатларидан устун экани айтилди», дея қайд этилган эди.

«Унинг кетишига бу сабаб бўлмаган. Роналдунинг ўзи бу ҳақда гапирганда, ҳаммаси аниқ бўлади», — деб ёзди Морган.