«Реал» бош мураббийи Жозе Моуринью ҳужумчи Килиан Мбаппенинг жароҳатдан тикланиш режасини маъқуллади. Юлдуз футболчи яқинда Франция терма жамоаси қароргоҳида жароҳат олган эди.

AS нашри хабар беришича, Мбаппе Парижда дўстлари даврасида кўриниш берган. Моуринью бу сафарга рухсат берган — «Реал»да ҳозир Килианга асосан дам олиш керак, деб ҳисоблашмоқда. Шу сабабли футболчининг айни пайтда клуб базасида бўлиши шарт эмас.

Режага кўра, Мбаппе кейинги ҳафтадан жароҳатдан тикланиш жараёнини янада фаоллаштиради. «Реал»да уни «Вильярреал»га қарши учрашувга албатта тайёрлаш мақсади йўқ.

Мадридликлар таваккал қилишни истамайди. Клуб учун Мбаппенинг 25 октябрь куни бўлиб ўтадиган «эл-класико»га тўлиқ тайёр бўлиши анча муҳим.

Шу боис ҳужумчи яқин орадаги битта ёки ҳатто бир нечта учрашувни ўтказиб юбориши мумкин.