«Ливерпуль»нинг собиқ ҳимоячиси, ҳозирда футбол эксперти сифатида фаолият юритаётган Жейми Каррагер «Манчестер Сити»нинг молиявий фэйр-плей қоидаларини бузгани учун эҳтимолий жазоси ҳақида ҳазиломуз тарзда фикр билдирди.
Аввалроқ «шаҳарликлар»га нисбатан турли жазо чоралари, жумладан, Англия Премьер-лигасидан четлатиш ҳам қўлланилиши мумкинлиги хабар қилинган эди.
«Энди ҳеч ким менга АПЛни ҳеч қачон ютмагансан, деб айтмайди! Кевин Де Брёйне ҳам бирорта Премьер-лига чемпионлигини қўлга киритмаган бўлиб чиқади!» — дея Каррагернинг сўзларини The Touchline ижтимоий тармоқда келтирди.
Жейми Каррагер 2013 йилда профессионал футболчилик фаолиятини якунлаган. У «Ливерпуль» сафида Чемпионлар лигаси, УЕФА кубоги ва Англиядаги ички кубок мусобақаларида ғолиб чиққан.
