Грециянинг "Волос" клуби келишилган ўйинда иштирок этгани учун жаримага тортилди ва уч очкодан маҳрум қилинди. Бу ҳақда sport24.gr хабар берди.
Иш икки йил аввал бўлиб ўтган "Волос" ва "Пансерраикос" ўртасидаги учрашув билан боғлиқ. Воқеа жамоанинг собиқ ҳимоячиси Даниэль Сундгреннинг оммавий баёнотларидан кейин кенг жамоатчиликка маълум бўлган.
Швециялик футболчи айрим ўйинлар олдидан кийиниш хонасида содир бўлган воқеалар ҳақида гапириб, футболчиларга муайян спорт натижасига эришиш мақсадида кўрсатмалар берилганини даъво қилган.
"Волос" президенти Ахиллеас Беос қарорга кескин муносабат билдириб, уни "очиқдан-очиқ адолатсиз" деб атади ва жазо ҳеч қандай далилларга асосланмаганини таъкидлади. У, шунингдек, кейинги суд босқичларида "Волос" оқланишига ишонч билдирди.
"Пансерраикос" ҳам жазога тортилди ва клубдан тўрт очко олиб ташланди.
