Gresiyaning "Volos" klubi kelishilgan o‘yinda ishtirok etgani uchun jarimaga tortildi va uch ochkodan mahrum qilindi. Bu haqda sport24.gr xabar berdi.
Ish ikki yil avval bo‘lib o‘tgan "Volos" va "Panserraikos" o‘rtasidagi uchrashuv bilan bog‘liq. Voqea jamoaning sobiq himoyachisi Daniel Sundgrenning ommaviy bayonotlaridan keyin keng jamoatchilikka ma’lum bo‘lgan.
Shvesiyalik futbolchi ayrim o‘yinlar oldidan kiyinish xonasida sodir bo‘lgan voqealar haqida gapirib, futbolchilarga muayyan sport natijasiga erishish maqsadida ko‘rsatmalar berilganini da’vo qilgan.
"Volos" prezidenti Axilleas Beos qarorga keskin munosabat bildirib, uni "ochiqdan-ochiq adolatsiz" deb atadi va jazo hech qanday dalillarga asoslanmaganini ta’kidladi. U, shuningdek, keyingi sud bosqichlarida "Volos" oqlanishiga ishonch bildirdi.
"Panserraikos" ham jazoga tortildi va klubdan to‘rt ochko olib tashlandi.
