"ПСЖ" ва Франция терма жамоаси ҳужумчиси Усмон Дембеле "Олтин тўп" учун кураши ҳақидаги саволга жавоб берди.

Дембеле 2025 йилда "Олтин тўп"ни қўлга киритган эди. Орадан бир йил ўтиб, футболчи яна ушбу нуфузли совринга даъвогарлик қилмоқда.

— Агар ҳакамлар ҳайъатини сизга овоз беришга ишонтириш учун битта далил келтиришингиз керак бўлса, нимани айтган бўлардингиз?

— Менда бундай далил йўқ, чунки мен ҳеч қачон ўзимни реклама қилмайман. Ўзимни тарғиб қилиш билан шуғулланмайман — ҳеч қачон.

Шу тариқа, Усмон Дембеле Ламин Ямал ва Килиан Мбаппега нисбатан бошқача йўл тутди. Улар аввалроқ "Олтин тўп"ни қўлга киритишга муносиб эканликларини айтган эди.

"Олтин тўп" 26 октябрь куни Лондонда топширилади.