Москванинг "Локомотив" клуби ҳимоячиси Виталий Денисов Ўзбекистон терма жамоасининг навбатдаги йиғинига таклиф этилди. Бу ҳақда темирйўлчилар расмий сайти хабар тарқатди.
Ўзбекистон терма жамоаси 15 октябрь куни Осиё кубоги-2015 саралаш босқичи доирасида Вьетнамни Тошкентда қабул қилади. Бунгача вакилларимиз Гонконг билан дуранг (0:0)ўйнаб, БААга имкониятни бой берганди (1:2). Гуруҳдан эса икки жамоа қитъа чемпионати йўлланмасини қўлга киритади.
Ўзбекистон терма жамоаси ЖЧ-2014 плей-офф босқичида Иорданияга ютқазиб қўйганидан кейин Миржалол Қосимов истеъфо сўраганди. ЎФФ раҳбарияти унинг истеъфосини қабул қилмади. Янги бош мураббий топилгунча Қосимов терма жамоа мураббийлигида ишлашда давом этади.
Терма жамоанинг Вьетнамга қарши ўйин учун тўлиқ рўйхати ЎФФ томонидан ҳали эълон қилинмади.
