"Ливерпуль" вингери Виктор Муньос Англия футболига мослашиш жараёни ҳақида гапириб, Премьер-лигадаги юқори интенсивликни алоҳида таъкидлади.
Испаниялик футболчи ёзда "Осасуна"дан "Ливерпуль"га 40 миллион евро эвазига ўтган ва клуб билан олти йиллик шартнома имзолаган эди.
"Ла Лига ва Англия Премьер-лигаси ўртасидаги фарқларни аниқ сезяпман. Ла Лигада тактика анча кўп, Англия чемпионати ўйинларида эса жисмоний кураш устунроқ.
Машғулотлардаги интенсивлик жуда юқори ва бу фарқни дарҳол сезасиз. Бу менинг ривожланишимга ёрдам беряпти", — дея Муньоснинг сўзларини Goal келтирди.
Жорий мавсумда футболчи Англия Премьер-лигасида бешта учрашувда майдонга тушиб, бир гол урди.
Ёзда Муньос Испания терма жамоасининг жаҳон чемпионати учун қайдномасига киритилган эди, аммо жароҳат сабаб мусобақада иштирок эта олмади.
