Лондоннинг "Арсенал" клуби собиқ ҳужумчиси Тьерри Анри Криштиану Роналду билан Португалия терма жамоасида юз берган вазият ҳақида фикр билдирди.
"Ан-Наср"нинг юлдуз ҳужумчиси Миллатлар лигасида Данияга қарши ўйин олдидан миллий жамоа қароргоҳини тарк этган эди. Хабарларга кўра, Роналду Португалия бош мураббийи Жорже Жезушнинг Норвегияга қарши баҳсда унга ўйин вақти бермаганидан норози бўлган.
"Роналду ҳақида ўйласам, бу вазиятни умуман эсламайман. Роналду — афсона, бу ҳақда ҳатто гапиришга ҳам ҳожат йўқ. Унинг футбол учун қилган ишлари — ақлбовар қилмас даражада", — дея Анрининг сўзларини RMC Sport келтирди.
41 ёшли Криштиану Роналду Португалия терма жамоаси сафида Европа чемпиони бўлган, шунингдек Миллатлар лигаси ғолиблигини ҳам қўлга киритган.
